Abenduaren 3an Euskararen Nazioarteko Eguna izango da. Aurten, igandez izango denez, Guraso Elkarteko Euskara Batzordeak ikastolako jolastokian ekintza bereziak antolatu ditu 11:00etatik 13:00etara (atxikita daukazue kartela). Honi jarraipena eman asmoz, ikastolan abenduaren 4an egun berezia izango dugu. Egun horretarako aurreikusi ditugun tailerrak burutu ahal izateko zuen laguntza behar dugu: 

• HH: Ikasleek arrantzale zapia ekarri beharko dute egunean bertan.
• LH: Margotu ahal izateko kamiseta (kolore zuria edo argia izan beharko du). Ez da zertan berria izan, erabilitakoa edo zaharra ere izan daiteke. 

 

Euskararen Eguna hurbiltzen ari dela aprobetxatuz egitasmo baten berri emateko aprobetxatu nahi dugu: Primeran plataforma. 

 

“Irailaren 15ean jarri zuten martxan Primeran Plataforma, euskarazko ikus-entzunezko anitzak nahieran ikusteko plataforma digitala. Doakoa da. Edozein eduki ikusteko erregistratu beharra dago. Plataformaren katalogoan 3.000 atal edo film baino gehiago daude ikusgai.”

 

Honekin batera, gogoratu, laster Durangoko Azokak bere ateak zabalduko dituela, zehazki

abenduaren 6tik 10era. Durangoko Azoka Euskal Herriko liburugintza eta diskogintzako ekoizpena ezagutzera emateko agertoki ezinhobea da, sortzaileak eta euren lanak bertatik bertara ezagutzeko plaza. 

 

Zuen interesekoa izango delakoan, etxean ere euskarazko kultur-produktuez gozatzera animatu nahi zaituztegu. Bizi euskara eta euskaraz kultura gozatu.