Helburuak eta aniztasunari arreta

1. Ikaslea bere nortasunaren garapen oso, integral eta harmoniatsura irits dadin gaitzea, banan-banako prestakuntzaren eta askatasunari egokitutako pedagogiaren bitartez, bere bizitza pertsonaleko, familiako, gizarteko eta lanbideko eremu guztietan nortasun hori gara dezan.

2. Ikaslea/taldea/ikastetxea gizarte, ekonomi eta kultur ingurunearekin harremanetan jartzea, hurrengo xede hauek erraztuko dituen irekiera eta komunikazio moduen bitartez:

• Euskal Herriaren eta Bizkaiaren testuinguru soziokulturalean eta tradizio historikoan oinarrituriko heziketa, horren balio guztiak barne hartuz.
• Bertako gertakarien eta egoeren balorazio kritikoa eta eraikitzailea.

3. Hala adimen gaitasunak eta lan teknikak, nola heziketa zientifikoa eta humanistikoa era orekatuan garatzea, ekimenak eta ahalmen sortzailea bereziki baloratu eta bultzatuz.

4. Irekitasunean eta beste herri eta kultura batzuen aintzatespenean heztea, balioen aniztasuna aldi berean komunikatzen eta hartzen jakiteko, lankidetzako eta bakezko elkartasun gogotik abiatuz.

5. Benetako maitasunean oinarritu eta hezkuntza-komunitatean nahiz gizarte-bizitzan partehartzera bultzatuko duten harreman pertsonalen eta portaera-ohituren jokamolde bat lantzea.

6. Gizabanakoaren, munduaren eta historiaren kristau ikuspegi bat proposatzea, fedearen eta kultura aldakorraren arteko etengabeko elkarrizketa finkatuz, Ebanjelioko balioen araberako bizimoldea sustatuz eta konpromiso eraldatzailera bultzatzen duen gizarte-kontzientzian heziz.

7. Tokiko eta mundu osoko Elizaren partaide izatearen sena balioztatzen laguntzen duten fede-bizipenak eta haurridetasun-adierazpenak sustatzea.

8. Eskubideen berdintasunean hezi, sexu edo izate sozialeko inolako bereizkeria barik.

9. Ingurumenarenganako begirune, kontu eta hobekuntzan hezi, ingurumenarenganako bakarkako eta taldeko sentikortasuna garatuz eta kontsumo orekatu baterako kontzientziatzen saiatuz.

10. Gaitasun eraginkorra sustatu, pertsona bakoitzaren ahalbideak ahalik eta gehien garatuz.

11. Izpiritu kritiko eraikitzailea landu, arazoen konponketarantz edo hautabide berrietarantz bideratuz.

Irakaskuntzak ikasleen artean aniztasunaren ezaugarria duen gizarte plural batean bizi garelarik, egokitzapenezko irakaskuntza burutuko dugu irakaskuntza/ikaskuntzako jardueren plangintza, garapena eta ebaluazioan, ikasleen gaitasunetara eta garapen indibidualaren maila desberdinetara egokituz.

Aniztasunari erantzuna

Gure hezkuntza-eredua abiapuntutzat hartuta -identitatea, hezkuntza integrala eta balioetan heztea-, koherentea deritzogu gizarte-integraziorako oinarrizko ikaskuntza den eskola-integrazioari erantzunak emateari.

Ekinbide honi esker, ikasleek derrigorrezko hezkuntzari dagozkion gaitasunak erdiets ditzakete, euren ahalbideen arabera eta norbere taldean ahalik gehien integratuz.

• Hezkuntza-premia soziokultural bereziak dituzten ikasleak.
• Ezintasun fisiko, psikiko edo sentsorial bati lotutako hezkuntza premiak dituzten ikasleak.
• Aparteko gaitasunak dituzten ikasleak.

Tratemendu neurriak

Ikaslearen hezkuntza-premiei erantzuna emateko xedearekin ikasketa-plan edo curriculum komunaren osagai ezberdinetan egiten den edozein egokitzapen edo aldaketa da Curriculum Egokitzapena.

Egokitzapen motak

• Curriculumean sartu ahal izateko egokitzapenak.
• Esanguratsuak ez diren curriculum egokitzapenak (hezkuntza-errefortzua).
• Curriculum egokitzapen esanguratsuak (CEE/ACI).
• Curriculum desberdinak eratzea.

Curriculum egoitzapenaren faseak

Curriculum egoitzapenaren helburuak

• Hezkuntza premia berezidun ikasleari eskainiko zaion hezkuntza mota definitzea, lortuko diren irakaskuntza-ikaskuntza prozesuaren sekuentziak argi eta garbi zehaztuz..
• Baliabide konkretuen premia, hala giza baliabideena nola materialena, zehaztea eta justifikatzea, beharrezkotzat aurreikusten diren xedeak eta epeak finkatuz.
• Hezkuntza-jardueran parte hartzen duten profesional ezberdinen (tutorea, irakaslea, pedagogoa…) ekintza koordinatua antolatzea.