Oraingo honetan barne Ikasjaia izenez ezagutzen duguna izan da; hau da, maila ezberdinetako ikasleak elkartu dira ikasitakoa eta egindako lana ospatzeko.

Izan ere, hori da Ikasjaiaren xede nagusia: asteetan proiektuen inguruan egindako ahalegina eta emaitzetaz harro egotea, hauek balioan jartzea eta partekatzea. Ikasleen motibazioan eragitea eta konpetentzia ezberdinak garatzea ere bilatzen du ekimen honek.

Ikasjai honetan HH eta LHko ikasmaila ezberdinak nahastu dira, batik bat landu duten gaien arabera. Martxoaren 29 eta 31 bitartean aurrera eramandako ekimen honek atmosfera berezia sortu du ikasgela, korridore eta gainerako guneetan.

Orain, opor bueltan, ikasturteko azken bi proiektuei ekiteko gogotsu!

ARGAZKIAK GUNE PRIBATUKO ALBUMEAN IKUSGAI